Formato: 15 x 21 cm

Págs. 141

10 €

TRÁFICO MARÍTIMO E FLUVIAL NOS PORTOS DO SUR DA PROVINCIA DE PONTEVEDRA

(Séculos XIII-XVII)

O presente libro constitúe unha importante achega histórica sobre un tema pouco estudado en Galicia e, en particular, no sur da provincia de Pontevedra e fronteira con Portugal. Non se cingue só ao tráfico de persoas e mercadorías, senón que tamén conta con capítulos dedicados á piratiería nas nosas costas, aos diferentes tipos de embarcacións e á pesca no Miño (ocupación rendible antano: lamprea, salmón, anguía, sollos (esturións), sollas, zamborcas, meixóns ou angulas, etc.). Compleméntase cun amplo apéndice de documentos na súa maioría inéditos, procedentes de protocolos notariais e dos arquivos catedralicio e diocesano de Tui.

Unha obra de obrigada consulta para cantos queiran coñecer a historia do tráfico marítimo e fluvial en Galicia nas idades Media e Moderna e, en particular, no territorio do bispado de Tui (agora denominado de Tui-Vigo), ao que pertence toda a orela sur da ría de Vigo, a costa atlántica entre Baiona e a foz do Miño e o treito navegable deste río. Os portos máis importantes eran os de Baiona, Vigo, Redondela e Bouzas.

Índice:

• Limiar
• Introdución
• A antigüedade
• Os portos da ría de Vigo: Vigo, Bouzas, Redondela e Cangas
• O porto de Baiona
• Corsarios das costas galegas
• As embarcacións
• A navegación e pesca no río Miño
• Os "portos" de Tui, tráfico de cabotaxe e pesca
• As barcas de pasaxe a Portugal no río Miño
• Apéndices